Nagpahayag og panaghiusa ang Philippine Drug Enforcement Agency (PDEA) Region 12 sa kampanya alang sa boluntaryong pagdonar og dugo pinaagi sa Dugong Bombo 2026 nga ipahigayon sa Nobyembre 14 sa Robinsons Place General Santos City.
Si Asnawi Salik, Assistant Regional Director sa PDEA Region 12, mipasiugda sa kahinungdanon sa pagtinabangay sa mga ahensya, organisasyon ug pribadong indibidwal aron makatabang sa mga pasyenteng nanginahanglan og dugo.
Matud niya, ang matag donasyon mahimong makatabang sa pagluwas sa kinabuhi sa mga biktima sa aksidente, mga inahan nga manganak ug mga pasyenteng adunay grabeng balatian.
Ang maong blood donation drive adunay temang “A Little Pain, A Life to Gain” ug himuon gikan alas-8:00 sa buntag hangtod alas-5:00 sa hapon.
Gilauman nga pinaagi sa maong kalihokan, mas daghang kwalipikadong indibidwal ang maengganyong mohatag og dugo alang sa kaayohan sa uban.
