Mi-apela si US President Donald Trump aron ipawalay-bisa ang hukom nga nakaplagan siyang sad-an sa kasong “hush money” nga may kalabotan sa 130 mil dolyares nga gibayad sa aktres nga si Stormy Daniels.
Sa pagdungog sa iyang apela niadtong Huwebes, gipangutana sa mga mahistrado ang kampo ni Trump ug mga piskal bahin sa legal nga basihan sa iyang hangyo, lakip na ang paggamit sa balaod sa campaign funds ug ang isyu sa presidential immunity.
Nahinumdoman nga niadtong 2024, napamatud-ang sad-an si Trump sa 34 ka kaso sa pagpeke sa mga rekord sa negosyo may kalabotan sa maong bayad, nga giingong gihimo aron dili mogawas ang impormasyon bahin kaniya sa wala pa ang 2016 presidential election.
Apan, gilimod ni Trump ang mga akusasyon batok kaniya. Wala pa usab magpagawas og desisyon ang korte kon aprobahan ba ang iyang apela.
