Nagsugod na sa iyang Apostolic Journey sa Latin America si Pope Leo XIV human mobiya sa Rome aron sugdan ang iyang ikaunom nga pagbisita sa laing mga nasud sukad nahimong Santo Papa.
Alas-7:05 sa buntag milupad ang eroplano nga gisakyan sa Santo Papa kauban ang mga journalist nga nag-cover sa iyang biyahe.
Gikan Nobyembre 6 hangtod 17, bisitahon sa Santo Papa ang Uruguay, Argentina ug Peru.
Una niyang adtoon ang Montevideo sa Uruguay diin makigkita siya sa mga opisyal sa gobyerno ug mga lider sa politika, ug mangulo usab sa pagselebrar sa Vespers uban sa lokal nga Simbahan.
Human niini, mopadulong siya sa Argentina aron bisitahon ang Buenos Aires, Córdoba ug Luján, sa dili pa mopadayon sa Peru diin adtoon niya ang Lima, Chiclayo, Cusco ug Pucallpa.
Sulod sa 12 ka adlaw nga biyahe, gilauman nga makaadto ang Santo Papa sa napulo ka siyudad, makasakay sa mga 12 ka flight ug makahatag og hapit 40 ka mensahe gamit ang Spanish nga pinulongan.
