Nakaplagang patay ang usa ka iladong politiko sa Germany sulod sa iyang hotel sa Berlin niadtong Miyerkules, sumala sa lokal nga kapulisan.
Giila ang biktima nga si Hubert Aiwanger, 55 anyos, nga nagserbisyo isip deputy leader sa southern Bavaria state sa nasud.
Sumala sa lokal nga kapulisan, nakit-an ang maong politiko nga wala nay kinabuhi sulod sa iyang hotel room sa Berlin-Mitte district.
Wala pa matino ang hinungdan sa iyang pagkamatay ug nagpadayon ang imbestigasyon sa mga awtoridad aron masuta ang mga kahimtang niini, lakip na ang posibilidad nga adunay laing tawo nga nalambigit sa iyang pagkamatay.
Si Aiwanger ang lider sa ‘populist party’ nga Free Voters ug nagserbisyo usab isip ministro sa ekonomiya sa Bavaria.
Miadto si Aiwanger sa Berlin aron unta motambong sa pag-abri sa opisina sa iyang partido, apan wala na kini makatambong sa programa tungod kay dili maayo ang iyang pamati.
