Misulod na sa semifinals sa Hong Kong Open si Pinay tennis star Alex Eala human niya mapildi ang Croatian player nga si Antonia Ruzic sa quarterfinals pinaagi sa straight sets nga 7-6 ug 7-5.
Hugot ang panagsangka sa unang set diin nag-ilisay sila og puntos ug maayong rallies hangtod miabot sa tiebreak. Nakalamang si Eala og 5-0 apan nakahabol si Ruzic hangtod 7-6, sa wala pa maselyohan ni Eala ang unang set.
Nagpadayon ang ilang panagsangka sa ikaduhang set diin una nga nakalamang si Eala og 4-2. Apan nahunong kadiyot ang duwa tungod sa ulan.
Sa pagpadayon sa duwa, nakabawi si Ruzic ug nakalamang sa 5-4. Apan nakarekober si Eala ug nakuha ang sunod nga mga puntos aron modaog sa ikaduhang set, 7-5.
Sa wala pa makaabot sa quarterfinals, gipildi usab ni Eala si Emerson Jones sa Round of 32 ug si Tereza Valentova sa Round of 16.
Sunod niyang atubangon sa semifinals ang fourth-seeded nga si Maria Sakkari sa Greece alang sa puwesto sa finals.
