Cremation, columbarium, burial fees sa Pilipinas, lakip sa mga adunay taas nga presyo

Nagkantidad og P15,000 hangtod P20,000 ang kasagarang gasto sa pagpa-cremate sa Pilipinas.

Nagdepende ang presyo niini sa lokasyon diin ipahigayon ang proseso tungod kay kasagarang mas dako ang bayranan sa Metro Manila ug dagkong siyudad kon itandi sa mga probinsya.

Mokabat usab sa P80,000 hangtod P245,000 ang presyo sa usa ka ‘columbarium niche’ o luna nga butanganan sa abo sa namatay.

Mas mahal kasagaran ang mga ‘niche’ nga nahimutang sa ‘eye-level’, ug mahimo kining sudlanan sa hangtod upat ka abo sa mga namatay. Mokabat usab sa P80,000 hangtod P500,000 ang gasto sa tradisyonal nga paglubong.

Mas mahal usab ang mga lote sa sementeryo sa Metro Manila tungod sa limitado nga luna nga magamit kon itandi sa mga sementeryo sa mga probinsya.