Gilauman sa Bangko Sentral ng Pilipinas (BSP) nga ang inflation alang sa bulan sa Oktubre karong tuiga anaa sa taliwala sa 7.1 ug 8.1 porsyento.
Sa usa ka pahayag nga gipagawas , namatikdan sa BSP nga ang inflation mahimong mosaka ngadto niini nga lebel, tungod sa pagsaka sa presyo sa petrolyo sa lokal nga merkado, bayranan sa kuryente, ug pletehan sa transportasyon.
Sa laing bahin, dugang sa BSP nga ang inflation mahimong mohinay tungod sa pag-ubos sa presyo sa mga nag-unang produktong agrikultural—sama sa mga utanon, karne, bugas, ug isda—gumikan sa igong suplay.
Samtang, gipahayag sa BSP nga padayon niining bantayan pag-ayo ang mga datos sa ekonomiya, ingon man ang mga panghitabo sa Middle East ug ang gipaabot nga epekto niini sa ekonomiya sa nasud.
Niadtong miaging Septyembre, ang inflation miabot sa 7.2 porsyento.
Kung moabot kini sa 8.1 porsyento karong Oktubre, kini ang mahimong pinakataas nga inflation rate sulod sa tulo ka tuig, human sa 8.6 porsyento nga natala niadtong Pebrero 2023.
Ang Philippine Statistics Authority (PSA) gikatakdang magpagawas sa opisyal nga datos sa inflation alang sa Oktubre karong Nobyembre 5.
