Nakaabot na sa ika-18 nga pwesto ang superstar sa Golden State Warriors nga si Stephen Curry sa NBA All-Time Scoring List human niya nalabwan ang miaging rekord sa NBA Hall of Famer nga si Dominique Wilkins.
Nakaabot si Curry og 26,669 career points sa ilang dula batok sa Los Angeles Lakers kagahapon, hinungdan nga misaka siya sa ika-18 nga pwesto sa all-time scoring leaderboard.
Nalabwan na usab sa Warriors star ang kanhi NBA greats nga sila si Tim Duncan, Paul Pierce, John Havlicek ug Kevin Garnett.
Naa sa ika-17 nga pwesto si Oscar Robertson nga adunay 26,710 career points, 36 puntos lang ang gilay-on ni Curry pag-usab.
Samtang, si LeBron James nagpabilin sa ibabaw sa all-time scoring list nga adunay 43,522 puntos, samtang si Kareem Abdul-Jabbar naa sa ikaduhang pwesto nga adunay 38,387 puntos.
