Gitambakan sa Washington Wizards ang Charlotte Hornets sa ilang low-scoring nga dula karong adlawa, Oktubre 31.
Gipangulohan sa bigman nga si Anthony Davis ang kadaugan sa Washington human siya nakatampo og 25 points ug 13 rebounds, samtang 21 points ug siyam ka assists ang kontribusyon sa sharpshooter nga si Trae Young.
Bisan pa sa hugot nga panagsangka sa duha ka teams sa unang tunga sa dula, mikalit og arangkada ang Wizards sa third quarter diin nakatampo sila og 28 points batok sa 13 points lamang sa Hornets.
Tungod niini, nakaangkon ang Washington og 19-point lead sa pagtapos sa maong quarter, hinungdan nga gikunhoran ang playing time sa ilang mga star player sa kataposang quarter.
Nakabawi ang Hornets sa fourth quarter, apan natapos gihapon ang dula sa iskor nga 95-79 pabor sa Washington.
Bisan pa sa kapildihan sa Charlotte, nindot usab ang gipakitang performance sa ilang center nga si Moussa Diabate, kinsa nakasulod og lima ka field goals gikan sa 11 ka tira.
Nagtapos siya sa 10 points, 12 rebounds ug duha ka steals.
Ikatulo na kini nga kadaugan sa Washington karong season, nga adunay tulo usab ka kapildihan.
