Gilauman nga mosaka hangtod sa 18 percent ang gibanabanang presyo sa bugas sa tibuok kalibotan sa sunod tuig tungod sa hulga sa El Niño.
Sumala sa Business Monitor International (BMI), grabeng maapektuhan sa kusog nga El Niño ang pag-ani sa bugas sa mga dagkong prodyuser nga nasud sa Asya.
Gilauman usab nga mosaka ang presyo sa bugas sa unang kwarter sa 2027 tungod sa dakong epekto sa El Niño sa mga siklo sa pagtanom sa mga nasud sa Asya, sumala pa sa BMI.
Base sa rekord sa BMI, gipataas usab niini ang 2026 price forecast gikan sa $12.90 tungod sa mas kusog kaysa gilauman nga pagsaka sa presyo sa ikatulong kwarter ning tuiga.
Tungod niini, misaka sa pinakataas nga lebel sulod sa 29 ka bulan ang presyo sa bugas nga miabot sa $17.80 niadtong Oktubre.
Samtang, gipahibalo sa Department of Agriculture nga posibleng mokunhod usab ang produksyon sa bugas tungod sa El Niño, diin gikan sa 700,000 metric tons mahimo pa kining mokunhod ngadto sa usa ka milyon nga metric tons, nga posibleng moresulta sa kapildihan nga mokabat sa 20 billion pesos sa pinakagrabeng sitwasyon.
