Selena Gomez, gibutyag nga nadaot ang iyang tingog tungod sa paggamit og vape

Gibutyag sa singer nga si Selena Gomez ang rason nganong mihunong na siya sa paggamit og vape.

Matod niya, ang kanunay niyang paggamit niini maoy nakaapekto ug nakapausab sa iyang tingog.

Sa iyang social media account, giangkon sa singer nga migamit siya og vape nga adunay taas nga ‘nicotine content’.

Gipahimangnoan usab niya ang iyang mga fans nga dili sundogon ang iyang gibuhat.

Giangkon ni Gomez nga naglisod siya sa pag-undang sa paggamit niini, hinungdan nga nakadesisyon siyang mosulti batok sa vape tungod kay wala kini maayong epekto sa panglawas.

Gipadayag usab niya nga mapasigarbuhon na siyang dili na mogamit og vape ug hinay-hinay nang mibalik ang maayong kahimtang sa iyang tingog.