Nagsumiter ang bandang Cup of Joe og entry alang sa 2027 Grammy Awards.
Gisumite sa grupo ang kantang “Sandali” aron ikonsiderar sa kategoryang “Best Asian Pop Performance.”
Sa ilang social media account, gipasabot sa grupo nga ang kanta mahitungod sa pagpangita og dugang panahon alang sa mga tawo nga labing mahinungdanon.
Nagpasalamat ang grupo sa ilang mga fans tungod sa suporta nga ilang gipakita sa ilang musika.
Nalipay ang mga fans sa grupo tungod niini nga pahibalo; ang mga nominado alang sa maong kategorya ipahibalo karong Nobyembre 16.
Samtang, ang katapusang hugna sa pagbotar aron mahibal-an ang mga mananaog sa Grammy gikatakdang mahitabo gikan sa Disyembre 10, 2026, hangtod sa Enero 7, 2027.
Ang seremonya sa pagpanghatag og mga pasidungog ipahigayon karong Pebrero 7, 2027, didto sa Los Angeles.
Angay usab matikdan nga ang ubang mga artist—lakip na ang BINI, SB19, Ben&Ben, Janine Berdin, Baby Dolls, Maymay Entrata, Khimo Gumatay, ug Carmelle Collado—nagsumite usab sa ilang kaugalingong mga kanta aron ikonsiderar.
