Nakadawat ug pasidunggog ug pag-ila ang Star FM / Bombo Radyo Philippines atol sa ika-48 nga Catholic Mass Media Awards karong tuiga.
Ang ‘It’s All For You In the Morning’—nga giprodyus sa DWHY – Star FM Dagupan / People’s Broadcasting Service, Inc.—nakadaog sa pasidungog isip ‘Best Educational Program.
Samtang, ang programang ‘Good Morning Philippines’ gikan sa Bombo Radyo Iloilo nahimong finalist sa maong kategoriya.
Dugang pa, ang ‘It’s All For You In The Morning’ gikan sa 95.9 Star FM Bacolod / Bombo Radyo Philippines nakadawat og ‘Special Citation’ sa kategoriya nga ‘Best Entertainment Program.’
Kining mga pasidungog nga naangkon sa Bombo Radyo Philippines nagsilbing pamatuod sa walay paglubad nga paningkamot ug dedikasyon sa network diha sa natad sa makahuluganong pagsibya.
