Presyo sa bugas wala gilauman nga mosaka bisan misaka ang presyo sa gasolina

Wala gilauman nga mosaka ang presyo sa bugas bisan pa sa pagtaas sa presyo sa gasolina karong semanaha.

Sumala sa Department of Agriculture o DA, nagpabiling P48 hangtod P55 kada kilo ang presyo sa bugas sa merkado.

Giingon sa DA nga igo ang suplay sa bugas sa nasud ug wala pa kini makita nga nakaapekto sa presyo bisan pa sa epekto sa mga bagyong miagi.

Base sa DA Bantay Presyo niadtong Setyembre 7, ang premium local rice sa mga merkado sa National Capital Region o NCR anaa sa P45 hangtod P56 kada kilo.

Ang regular-milled local rice anaa sa P41 hangtod P48 kada kilo, samtang ang well-milled local rice anaa sa P40 hangtod P56 kada kilo.

Apan bisan pa sa pagsaka sa presyo sa petrolyo, wala gilauman sa DA nga mosaka ang presyo sa bugas.