Nagsugod na og praktis ang Pinay tennis star nga si Alex Eala para sa ikatulong hugna sa US Open.
Moatubang siya kang Iva Jovic sa US sa ikatulong hugna nga ipahigayon sa Domingo sa buntag, Septiyembre 6 sa alas 7 sa buntag, oras sa Pilipinas.
Ipahigayon kini sa Arthur Ashe Stadium, ang pinakadako nga tennis stadium sa kalibutan.
Ang stadium adunay kapasidad nga 23,000.
Ang duha nakadula na sa Arthur Ashe Stadium sa usa ka exhibition game sa wala pa ang pormal nga pagsugod sa US Open.
Ang unang duha ka dula sa 21-anyos nga si Eala gipahigayon sa Louis Armstrong Stadium, nga adunay kapasidad nga 14,000.
Sa duha nila ka engkwentro, napakyas si Eala.
Ang una naa sa unang hugna sa French Open niadtong Mayo ug ang ikaduha naa sa HSBC Championships sa London niadtong Hunyo.
