Nanguna ang General Santos City sa tanang Highly Urbanized Cities o HUCs sa Pilipinas sa economic growth niadtong 2025, human nagtala kini og 8.0 porsyento nga GDP growth, base sa datos sa Philippine Statistics Authority o PSA.
Ikaduha ang Cagayan de Oro City sa 7.4 porsyento, gisundan sa Bacolod City sa 6.8 porsyento ug Iloilo City sa 6.1 porsyento.
Ang GDP nagasukod sa kinatibuk-ang bili sa mga produkto ug serbisyo nga nahimo sa usa ka lugar, ug nagpakita kung unsa ka aktibo ang ekonomiya niini.
Gipagawas sa PSA kagahapong adlawa Agosto 28, 2026 ang 2025 Provincial Product Accounts nga naglangkob sa 82 ka probinsya ug 33 ka HUCs. Base sa datos, ang tanang 33 ka HUCs ug 76 ka probinsya nakatala og economic growth niadtong 2025 kumpara sa miaging tuig.
