Hinay-hinay nang mibalik sa pag-workout ang NBA star nga si Jimmy Butler samtang nagpadayon ang iyang rehabilitation human sa ACL injury nga iyang naangkon niadtong Enero 2026.
Sa pagkakaron, limitado pa lamang ang mga ehersisyo nga gitugotan kang Butler tungod kay wala pa siya ma-clear alang sa full-contact practice.
Lakip sa iyang ginabuhat karon ang light shooting ug stationary ballwork. Apan wala pa niya gisugdan ang mas bug-at nga workout sama sa full sprinting ug contact drills.
Malampuson ang operasyon kang Butler niadtong Pebrero 2026 ug gilauman nga makabalik siya sa kompetisyon sa tunga-tunga sa umaabot nga NBA regular season, depende sa iyang progreso sa rehabilitasyon.
Sa wala pa ang iyang injury, nag-average si Butler og 20 puntos, 5.6 rebounds ug 4.9 assists matag duwa, samtang nakarekord usab siya og 51.9 porsyento nga shooting sa 38 ka duwa diin nagsugod siya isip starter.
Gilauman nga ang iyang posible nga pagbalik sa aksyon mahitabo sa ulahing bahin sa 2026 o sayong bahin sa 2027, depende gihapon sa iyang kahimtang ug clearance sa medical team.
