Gipildi sa Chicago Bulls ang Milwaukee Bucks, 125-104, sa ilang panag-atbang sa ‘preseason’.
Wala makasugakod ang Bucks sa 47 percent nga ‘overall shooting’ performance sa Bulls nga gipangulohan sa ‘forward’ nga si Matas Buzelis.
Nagtala ang bag-ong ‘forward’ og 19 points, duha ka ‘rebounds’, tulo ka ‘assists’, usa ka ‘steal’ ug usa ka ‘block’.
Dako usab ang natampo sa ‘bench player’ nga si Leonard Miller nga nakahimo og 18 points, pito ka ‘rebounds’ ug duha ka ‘steals’ aron matabangan ang Bulls sa pagdaog sa dula.
Midomina usab ang depensa sa Bulls nga nakatala og 14 ka ‘steals’, hinungdan aron mapugos ang Bucks sa paghimo og 30 ka ‘turnovers’ sa tibuok dula.
Miabot pa sa 34 points ang pinakadakong lamang sa Bulls batok sa Bucks sa ilang panag-atbang.
Sa pikas bahin, wala nakatabang sa Bucks ang ‘double-double’ performance sa bag-ong ‘forward’ nga si Ousmane Dieng nga nakahimo og 10 points ug 11 ka ‘rebounds’, lakip na ang 23 points nga natampo sa ‘bench player’ nga si Kameron Jones.
Kini na ang ikatulong kapildihan sa Bucks karong ‘preseason’, samtang anaa sa duha ka daog ug duha ka kapildihan ang rekord sa Bulls.
