Walay natala nga casualty sa pinakabag-ong impormasyon gikan sa Office of Civil Defense (OCD) Region 12 may kalabutan sa serye sa pagbaha nga dala sa Southwest Monsoon o Habagat nga miigo sa dakong bahin sa SOCCSKSARGEN kagahapong adlawa.
Matud ni Beverly Anne Santos, Information Officer sa OCD Region 12, padayon nilang ginamonitor ang kahimtang sa mga lugar nga naapektuhan sa pagbaha aron masiguro ang kaluwasan sa mga residente ug ang paghatag dayon og ayuda kon gikinahanglan.
Sa pagkakaron, wala na usab ilalom sa Yellow Rainfall Warning ang rehiyon sa SOCCSKSARGEN human mohinay ang epekto sa Habagat nga maoy hinungdan sa kusog nga pag-ulan ug pagbaha sa pipila ka lugar.
Bisan pa niini, gipahinumdoman gihapon sa OCD ang publiko nga magpabiling alerto ug magpadayon sa pagsunod sa mga pahimangno sa mga lokal nga pangamhanan
