Nanawagan og hinabang ang mga residente sa Puting Bato, Barangay Calumpang, General Santos City human maapektuhan sa kusog nga pagbaha nga resulta sa walay hunong nga pag-ulan tungod sa Southwest Monsoon o Habagat.
Tungod sa dakong kadaot nga ilang nasinati, nangayo sila og suporta gikan sa publiko pinaagi sa mga donasyon sama sa sinina, pagkaon, tubig nga mainom, ug uban pang nag-unang panginahanglanon.
Matud pa nga dako kaayo ang ilang panginahanglan samtang ilang giatubang ang epekto sa pagbaha ug samtang wala pa sila makabalik sa ilang mga panimalay.
Samtang, gipasalig usab sa Lokal nga pang-gamhanan sa General Santos City nga padayon ang ilang paghatod og tabang ug pag-apod-apod sa mga ayuda ngadto sa mga pamilyang naapektuhan sa kalamidad.
