Padayon ang pagpangandam sa Sarangani Police Provincial Office batok sa mga posibleng kalamidad nga mahimong moigo sa probinsya. Sumala kang PLtCol. Dennis Madriaga, Deputy Provincial Director sa Sarangani Police Provincial Office, aduna nang mga strategic plans ang matag police station ug ubang yunit sa kapulisan aron masiguro ang paspas ug episyenteng pagtubag sa panahon sa emerhensya.
Matod pa niya, tungod sa sunod-sunod nga mga kalamidad nga nasinati sa probinsya, lakip na ang kusog nga linog ug pagbaha, gikinahanglan ang dugang deployment sa mga personnel aron mapalig-on ang rescue, security, ug humanitarian operations sa mga apektadong lugar.
Gipasabot usab ni Madriaga nga padayon ang koordinasyon sa kapulisan uban sa mga lokal nga panggamhanan ug nagkadaiyang ahensya sa gobyerno aron masiguro ang hapsay nga pagdumala sa mga operasyon ug ang dali nga paghatag og tabang sa mga residente panahon sa kalamidad. _____PLtCol. Dennis Madriaga, Deputy Provincial Director sa Sarangani Police Provincial Office
