Tricycle ug habal-habal drivers sa Gensan nakadawat og ₱5,175 nga cash assistance gikan sa DSWD

Nakadawat og tig-₱5,175 nga Emergency Cash Transfer (ECT) gikan sa Department of Social Welfare and Development o DSWD ang mga tricycle ug habal-habal drivers nga naapektuhan sa kalamidad.

Gibisita mismo ni City Mayor Lorelie Pacquiao ang mga benepisyaryo atol sa payout nga gihimo sa Oval Plaza isip pagpahayag sa suporta sa ilang pagbangon gikan sa epekto sa kalamidad.

Gipasalamatan usab niini si DSWD Secretary Rex Gatchalian tungod sa padayong tabang ug dali nga pagtubag sa panginahanglan sa mga pamilyang naapektuhan sa katalagman.

Ang ECT program gitumong aron mahatagan og pinansyal nga tabang ang mga kwalipikadong benepisyaryo aron makatabang sa ilang adlaw-adlaw nga panginahanglan samtang nagpadayon ang pagbangon.