Senate President mao ang kinahanglan mamahimong Presiding Officer sa Impeachment Court – Atty. Garcia

Gipaklaro ni Atty. Rogelio Garcia nga ang Senate President mao ang gitakdang mahimong presiding officer sa impeachment court, subay sa mga lagda nga nagdumala sa proseso sa impeachment.

Matud ni Garcia, importante nga ang mangulo sa impeachment proceedings adunay igo nga kahibalo ug pagsabot sa mga rules, lakip na ang mga motion ug pamaagi sa pagdumala sa maong proseso.

Iyang gipasabot nga ang presiding officer adunay dakong papel sa pagsiguro nga hapsay, patas, ug subay sa balaod ang dagan sa impeachment trial.

Matud pa niya, kinahanglan nga ang mangulo sa maong hukmanan makasabot sa mga teknikalidad sa impeachment rules aron malikayan ang kalibog ug masiguro ang hustong pagpatuman sa mga pamaagi sulod sa impeachment court.