GENSAN- Nakasinati og duha ka adlaw nga brownout ang pipila ka mga barangay sa General Santos City human sa kusog nga linog nga mitay-og sa dakbayan niadtong Lunes, Hunyo 8.
Tungod sa pagkawala sa kuryente, naapektuhan usab ang suplay sa tubig nga nakapahinabo og kalisod sa daghang residente.
Bisan pa niini, adunay mga lumulupyo nga adunay na’y nabalik nga kuryente nga boluntaryong mitabang sa katawhan nga wala pay kuryente pinaagi sa libre nga pagpa-charge sa cellphone ug paghatag og tubig.
Nagpakita kini sa panaghiusa ug pagtinabangay sa komunidad atol sa panahon sa kalamidad.
Samtang, padayon nga nagtrabaho ang SOCOTECO II aron maayo ug maibalik sa labing dali nga panahon ang mga linya sa kuryente nga naapektuhan sa linog.
Naghangyo usab ang kooperatiba sa pagsabot ug pasensya sa mga konsumidor samtang gipadayon ang mga repair ug restoration activities.
