AFP, gibarugan nga ang ilang engkwentro sa Negros Occidental walay kalabutan sa bisan unsang paglapas sa tawhanong katungod

Gibarugan sa Armed Forces of the Philippines (AFP) nga walay nahitabo nga paglapas sa tawhanong katungod sa engkuwentro nga nahitabo sa mga giingong miyembro sa New People’s Army (NPA) sa Toboso, Negros Occidental.

Sumala kang Army Spokesperson Col. Louie Dema-ala, sa 19 ka mga namatay, nakita nila nga adunay mga armas.

Kauban sa mga namatay ang mga student leader, researchers, ug mga magtutudlo, diin adunay pipila kanila nga may dala usab og armas.

Naberipika na usab sa kasundalohan ang mga pagkatawo sa mga namatay ug gipasalig sa militar ang paghatag og seguridad sa maong lugar.