Nadakpan sa gipahigayong buy-bust operation sa kapulisan ang usa ka 46-anyos nga lalaki nga giila nga high-value individual sa illegal drugs sa dapit sa Diversion Road, Purok Udagre, Barangay Conel, General Santos City, alas 10:47 kagabii, Nobyembre 11.
Giila ang dinakpan nga si Roy Trajano Oracion alyas “Roy,” minyo, electrician ug residente sa Promise Land 2, Barangay Mabuhay ning dakbayan.
Gipahigayon ang operasyon sa City Police Drug Enforcement Unit o CPDEU isip lead unit, kauban ang City Intelligence Unit ug Police Station 9, batok sa maong suspek tungod sa kalapasan sa Republic Act 9165 o Comprehensive Dangerous Drugs Act of 2002.
Narekober gikan sa suspek ang usa ka dakong heat-sealed plastic sachet nga adunay gidudahang shabu nga gibana-banang lima ka gramo, nga napalit sa police poseur-buyer gamit ang usa ka tinuod nga libo ka pesos isip buy-bust money.
Narekober usab ang napulo ka dagkong plastic sachet nga adunay gidudahang shabu nga may kinatibuk-ang gibug-aton nga 51.38 gramos ug gibanabana nga kantidad nga 349 mil 384 pesos, dugang pa ang 1,400 pesos nga kwarta, usa ka itom nga cellphone, usa ka sling bag ug lighter.
Gidala ang dinakpan sa opisina sa CPDEU-GSCPO alang sa hustong disposisyon ug medical examination sa wala pa ibalhin sa custodial facility sa Police Station 9, samtang gitugyan na sa General Santos City Forensic Unit 12 ang mga nakumpiskang gidudahang ilegal nga droga alang sa laboratory examination.
Giandam na usab ang kasong paglapas sa Sections 5 ug 11, Article II sa Republic Act 9165 batok sa suspek pinaagi sa inquest proceedings.
Sa iyang pamahayag, gipasiugda ni Garcia ang dakong papel sa mga kabatan-onan sa pagpili sa sunod nga mga lider sa nasud.
Matud pa niya, sa gibanabanang 71 milyon ka botante sa Pilipinas, mokabat sa 45 milyon niini ang mga kabatan-onan ug gilauman nga modaghan pa samtang nagpadayon ang voter’s registration sa nagkadaiyang bahin sa nasud.
Nagpahayag usab og pagsalig si Garcia nga masubli ang taas nga voter turnout nga natala atol sa 2025 elections nga mikabat sa 81.65 porsyento.
Gilauman usab sa COMELEC nga mas daghang kabatan-onan ang moapil sa 2028 elections pinaagi sa pagparehistro ug paggamit sa ilang katungod sa pagboto aron makapili og mga lider nga angay ug takos sa katungdanan.
