-- ADVERTISEMENT --
Luwas nga nasalbar sa Philippine Coast Guard (PCG) ang 29 ka tawo human maguba ang makina sa ilang motorbanca sa kadagatan duol sa Calibangbangan Island, Linapacan, Palawan niadtong Nobyembre 9, 2026.
Nakasinati og problema sa makina ang MBCA Princess Ruby Ann-1 human mabali ang propeller shaft niini samtang naglawig. Tungod niini, dali nilang gipalong ang makina aron malikayan ang dugang nga kadaot ug masiguro ang kaluwasan sa mga sakay.
Dihadiha nagpahigayon og search and rescue operation ang mga personahe sa Coast Guard Sub-Station New Colaylayan ug San Fernando. Human masiguro ang pagkakabit sa mga panghila, gihimo ang emergency towing aron madala ang motorbanca ngadto sa San Fernando Port sa El Nido, Palawan.
