Personal nga mibisita si Commission on Elections o COMELEC Chairman George Erwin Garcia sa usa ka unibersidad sa Legazpi City, Albay aron pangunahan ang voter’s registration didto.
Nagsugod niadtong Nobyembre 10 ang pag-abli pag-usab sa rehistrasyon sa mga botante alang sa umaabot nga 2028 National and Local Elections.
Sa iyang pamahayag, gipasiugda ni Garcia ang dakong papel sa mga kabatan-onan sa pagpili sa sunod nga mga lider sa nasud.
Matud pa niya, sa gibanabanang 71 milyon ka botante sa Pilipinas, mokabat sa 45 milyon niini ang mga kabatan-onan ug gilauman nga modaghan pa samtang nagpadayon ang voter’s registration sa nagkadaiyang bahin sa nasud.
Nagpahayag usab og pagsalig si Garcia nga masubli ang taas nga voter turnout nga natala atol sa 2025 elections nga mikabat sa 81.65 porsyento.
Gilauman usab sa COMELEC nga mas daghang kabatan-onan ang moapil sa 2028 elections pinaagi sa pagparehistro ug paggamit sa ilang katungod sa pagboto aron makapili og mga lider nga angay ug takos sa katungdanan.
