Nagpadayon ang paglihok sa usa ka pamilya sa General Santos City aron mapanubag sa balaod ang usa ka basketball player nga giakusahan sa pag-amung-among sa usa ka estudyante.
Una nang miduol ang amahan sa biktima sa pamilyang Manilay aron mangayo og tabang sa pagpasaka og kaso, ug gipasaligan sila nga suportahan sa legal nga proseso.
Sumala sa taho, nahitabo ang insidente niadtong Marso 1 diin giingong gi-amung-amongan ang biktima ug gihulga pa nga patyon kon mosumbong.
Niadtong Marso 13, misulay sa paghikog ang biktima tungod sa grabeng kahadlok ug trauma, apan naluwas kini dayon sa iyang amahan.
Samtang si Dr. Sara Manilay, ang school proprietor sa usa ka pribadong tulonghaan sa siyudad, nanawagan nga mapriso ang giingong suspek, ug giingon nga dako unta og mga damgo ang biktima alang sa iyang kaugmaon ug sa iyang pamilya apan naapektuhan kini tungod sa nahitabo.
