-- ADVERTISEMENT --
GENSAN – Padayon ang hugot nga pagbantay sa mga purok chairman sa Barangay San Isidro bahin sa mga insidente sa pagpanglabay sa mga fetus sa ilang barangay.
Sumala ni Kapitan Frederick Yumang, aktibo nilang gimonitor ang tanang lying-in facilities sa barangay aron masuta dayon ang kahimtang sa mga nagbuntis ug malikayan ang susamang mga insidente.
Gipahigayon usab ang information dissemination sa mga kabatan-onan, labi na sa mga eskwelahan, aron mapugngan ang teenage pregnancy ug matudluan sila sa responsableng pamatasan ug kahimsog sa reproductive health.
Gidasig sa kapitan ang tanang residente ug mga opisyal sa purok sa kooperasyon ug pagbantay aron malikayan ang pagsamok sa seguridad ug kahimsog sa komunidad.
