Sandiganbayan Third Division nagmando sa 90 ka adlaw nga preventive suspension kang Senador Rodante Marcoleta kalabot sa kasong plunder nga iyang giatubang.
Sa usa ka resolusyon nga gi-isyu niadtong Oktubre 19, ang korte sa anti-graft nagmando sa suspensyon kang Marcoleta, nga magsugod sa higayon nga madawat ang maong resolusyon.
Ang kaso naggikan sa giingong P75 milyon nga nakuha nga bahandi nga wala gideklara ni Marcoleta sa iyang Statement of Contributions and Expenditures (SOCE).
Sumala sa mga alegasyon sa kaso, si Marcoleta giingong nakadawat sa maong kantidad gikan sa kanhi kongresista nga si Mike Defensor ug negosyanteng si Aristotle Viray sa dihang siya usa pa ka representante sa SAGIP Party-list.
Sumala sa Sandiganbayan, ang suspensyon awtomatikong matapos human sa 90 ka adlaw.
Samtang, giklaro sa korte nga ang suspensyon dili makaapekto sa mga gimbuhaton sa Senado isip usa ka collegial body.
Gikumpirma sa Sandiganbayan ang pagpasaka og 3 ka ihap sa graft batok kang kanhing Pampanga 3rd District Rep. Gonzales
