Usa ka 51 anyos nga babaye nga food vlogger ang namatay human giingong mikaon og makahilong alimango nga gitawag og “devil crab” sa Puerto Princesa, Palawan.
Ang biktima giila nga si Emma Amit, kinsa nag-video pa gani sa iyang kaugalingon nga nagluto sa gata sa lubi ug mikaon sa seafood nga iyang nakuha niadtong Pebrero 4.
Sumala sa mga report, si Amit nahugno sa iyang balay usa ka adlaw human makakaon sa seafood ug dayon nagkombulsyon.
Gidala dayon siya sa ospital apan namatay niadtong Pebrero 6.
Base sa inisyal nga impormasyon gikan sa mga awtoridad, ang biktima posibleng nakakaon og usa ka klase sa crustacean nga adunay delikado nga neurotoxins nga gitawag og “devil crab.”
Ang mga lokal nga opisyal nagpasidaan sa publiko nga mag-amping sa pagkaon sa wala matino nga klase sa seafood aron malikayan ang susamang mga insidente
