Gisang-at ang reklamo nga plunder batok sa kanhi Ako Bicol Party-list Representative nga si Zaldy Co sa Department of Justice (DOJ) alang sa resolusyon.
Gikumpirma kini sa tigpamaba sa Justice nga si Atty. Polo Martinez sa usa ka press conference
Kahinumduman nga ang National Bureau of Investigation (NBI) nagsang-at og reklamo sa plunder batok sa kanhi magbabalaod sa DOJ niadtong Enero 5 ning tuiga.
Ang maong reklamo may kalabutan sa giingong mga anomaliya sa proyekto sa pagkontrol sa baha sa Naujan, Oriental Mindoro. Ang mga respondents ni Co naglakip sa pipila ka mga opisyal sa Department of Public Works and Highways (DPWH) nga wala nganli.
Gihatagan sa DOJ si Co hangtod sa Enero 15 aron magsumite sa iyang counter-affidavit.
Kini subay sa petisyon ni Co nga gisang-at sa Korte Suprema sa samang petsa, diin iyang gihangyo nga ihunong ang husay sa mga kaso batok kaniya sa Sandiganbayan.
Lakip usab sa petisyon ni Co ang usa ka apostille nga nag-ingon nga siya didto sa Stockholm, Sweden niadtong Enero 15. Sukwahi kini sa nangaging mga taho nga ang kanhing magbabalaod didto sa Portugal.
