Nakasulod na sa women’s doubles semifinals sa Abu Dhabi Open sila Alex Eala ug Janice Tjen sa Indonesia human gipildi ang kombinasyon nila Zhang Shuai sa China ug Cristina Bucsa sa Spain sa iskor nga 6-3, 6-3 sa quarterfinals.
Gikan pa lang sa pagsugod, gidominar na nila Eala ug Tjen ang duwa mao nga nahuman nila kini sulod sa usa ka oras ug unom ka minuto.
Sa first round, una nilang gipildi sila Leylah Fernandez ug Kristina Mladenovic.
Sunod nilang maka-agbat sila Tereza Mihalikova sa Slovakia ug Olivia Nicholls sa Great Britain.
Ang ilang kada-ugan misunod sa kapildihan usab ni Eala kang Ekaterina Alexandrova sa iskor nga 6-3, 6-3 sa quarterfinals.
Sa second set, nakatala dayon og 3-1 nga labaw ang Russian tennis star, apan nabawi kini sa 20-anyos nga si Eala ug natabla sa makadiyot ang puntos apan mas agresibo pa ang world number 11 nga si Alexandrova ug hingpit nga gihuman ang duwa.
