GENSAN – Napaminawan gikan sa SOCOTECO 2 ang ilang pagpaklaro kalabutan sa pagsaka sa balayronon sa kuryente atol consultative hearing on consumer welfare nga gipahigayon sa Kastifon hall.
Sumala sa coop nga angayan lang una suspendihon ug unom ka bulan og angayan ipahibalo sa mga tawo una kini ipatuman. Samtang dili direktang motubag ang Socoteco 2 sa istorya nga nagkanayong napalit na sa pribadong sektor ang ilang buhatan basi sa report nga nanggawas sa social media.
Inay gibutyag nila nga ang bugtong mga Board of Director ang maoy nasayod sa kalihokan niini diin sa karon naa sila sa pagdawat og mga proposal og usa pa lamang ilang gina-review.
Samtang, ang mga convenor sa Bantay Kuryente Movement, usa ka grupo sa mga konsumidor nga naningkamot alang sa transparency ug accountability sa lokal nga distribusyon sa kuryente, pormal nga nagsumite og petisyon nga sulat sa Board of Directors sa SOCOTECO II kaganihang buntag, Pebrero 2.
Ang kalihokan, nga pormal nga gilusad ang kampanya niadtong Enero 29, naghatod sa petisyon ngadto sa opisina sa SOCOTECO II, nag-awhag sa board nga aksyunan ang mga mahinungdanon nga kabalaka nga gipadayag sa mga Members-Consumers-Owners (MCOs).
