Kalit nga pagsaka sa Electric Bill, gikabalak-an ni Mayor Pacquiao

GENSAN – Gipahibalo ni Mayor Lorelie Pacquiao ang iyang kabalaka sa kalit nga pagtaas sa electric bill sa SOCOTECO II, diin siya mismo nakasinati og dako nga pagtaas sa iyang bayronon. Tungod niini, iya ngay hangyoon ang Sanguniang Panglungsod nga mapatawag ang SOCOTECO II aron matubag kung ngano ang bigla nga pagsaka sa presyo sa kuryente ug nganong wala’y abiso nga gi-release sa publiko.

Matud niini nga , importante nga klaro ug transparent ang kooperatiba sa publiko, ilabi na sa mga konsyumer nga naapektuhan sa kalit nga pagtaas sa bayronon. Gikinahanglan nga masabtan sa katawhan ang rason sa pagtaas sa presyo, aron malikayan ang sayop nga pagsabot ug kasuko.