-- ADVERTISEMENT --

Magapadayon sa Disyembre 1 ang impeachment trial ni Vice President Sara Duterte human sa pagkanselar sa duha ka natala nga hearing karong Nobyembre 26 ug 27.

Gikumpirma sa kampo sa depensa nga dili available ang ilang mga testigo nga ipresentar unta sa maong mga petsa.

Atol sa ika-45 nga adlaw sa impeachment trial kagahapon, gipaklaro ni lead defense counsel Sheila Sison nga aduna usab silay ubang mga commitment gawas sa impeachment proceedings.

Tungod niini, gikanselar ni Senate President ug presiding officer Francis Escudero ang duha ka hearing ug gikatakdang ipadayon ang trial gikan Disyembre 1 hangtod 4.

Posible usab nga himoon nga lima ka adlaw ang hearing sa mosunod nga semana kon gikinahanglan.

-- ADVERTISEMENT --

Samtang, dili na ipadayon sa kampo sa depensa ang pagpresentar kang Atty. Eva Marie Mariquina isip testigo aron mahatagan og higayon ang ubang importanteng mga saksi.

Gilaoman ni Escudero nga mahuman ang impeachment trial ug makagawas na ang desisyon sa Senado sa dili pa matapos ang tuig 2026