GENSAN – Giklaro sa South Cotabato Electric Cooperative II o SOCOTECO II nga dili tanan power interruption o brownout nga mahitabo sa ilang coverage area sila mismong hinungdan, tungod kay daghan pa og mga factor nga mahimong makapahinungdan sa pagkawala sa kuryente.
Sumala sa SOCOTECO II, usa sa mga posibleng hinungdan sa power interruption mao ang mga problema sa linya sa National Grid Corporation of the Philippines o NGCP, nga mao ang nagdumala sa transmission lines sa tibuok nasud.
Matud pa sa kooperatiba, kung adunay aberya sa transmission line sa NGCP, maapektuhan usab ang supply sa kuryente sa ilang mga feeder ug distribution lines, nga mahimong hinungdan sa brownout bisan pa man walay problema sa sistema sa SOCOTECO II.
Gipasabot usab sa SOCOTECO II nga bisan pa adunay mga scheduled maintenance ug repair works nga ila mismong ginabuhat, daghang kahimtangan nga dili kontrolado sa kooperatiba, sama sa mga hulga sa panahon, aksidente sa dalan, ug mga technical issues sa transmission level.
Bisan pa niini, gihangyo sa SOCOTECO II ang publiko nga masabtan ang sitwasyon ug likayan ang pagpasangil dayon sa kooperatiba sa matag power interruption, samtang padayon ang ilang paningkamot sa pagpalig-on sa sistema ug paghatag og mas kasaligan nga serbisyo sa kuryente.
