GENSAN –Gidasig ni Atty. Jong Gonzalez, labaw sa Public Safety Office (PSO) sa dakbayan, ang mga traysikol drayber nga wala pa makakuha og prangkisa nga pahimuslan ang higayon ug dayon na mag-aplay.
Kini tungod kay sa 9,000 ka mga prangkisa nga giablihan sa syudad, kapin sa 800 na lamang ang nahibilin. Sumala sa iyang pamahayag, dili na maghatag og dugang prangkisa ang syudad kung mahurot na ang maong ihap.
Gipatin-aw usab ni Atty. Gonzalez nga dili dayon mahatag ang prangkisa sa mga aplikante tungod kay kini muagi pa sa proseso sa “Motorized Tricycle Franchising and Regulatory Board ” kon MTRFB ug sa Sangguniang Panlungsod.
Matod pa niya, posible sa Marso 2025 nga daghan na sa mga tricycle ang makagamit na og yellow plates, tungod kay hapit na mahuman ang proseso sa paghatag sa prangkisa.
