-- ADVERTISEMENT --
Nanawagan si Pope Leo XIV sa Simbahang Katolika nga padayon nga palig-onon ang mga programa alang sa pagdawat, pagpanalipod ug pagtabang sa mga migrante, refugee ug mga mibalik sa ilang kaugalingong nasud.
Sa iyang mensahe alang sa Plenary Meeting sa International Catholic Commission for Migration, giawhag sa Santo Papa ang mga partisipante nga barogan ang pag-ila ug pagtahod sa kinaiyang dignidad sa matag tawo, pinaagi sa pakigtambayayong sa mga relihiyosong organisasyon ug mga grupo sa civil society.
Gipasiugda usab niya ang panginahanglan nga mangita og bag-ong mga paagi aron mapanalipdan ang mga bata nga napugos sa pagbiya sa ilang mga pinuy-anan tungod sa mga gubat ug kalamidad.
