Padayon ang National Bureau of Investigation,sa pag-validate sa mga intelligence report bahin sa posibleng presensya ni kanhi Senador Bato dela Rosa sa pipila ka lugar sa Mindanao.
Matod ni NBI Director Melvin Matibag, daghang impormasyon ang ilang nadawat nga may kalabotan sa posibleng nahimutangan sa kanhing senador ug padayon kining ilang gisusi aron masiguro ang katukma sa mga report.
Giingon ni Matibag nga adunay gipahinungod nga mga yunit ang NBI nga naglihok 24/7, lakip ang technical monitoring aron masubay ang mga impormasyon nga ilang nadawat.
Gihimo usab nilang kompidensiyal ang mga detalye sa operasyon aron dili makompromiso ang ilang pagpangita.
Nangayo usab ang NBI og kooperasyon gikan sa mga lokal nga opisyal ug sa BARMM kung aduna silay impormasyon nga makatabang sa pagtino sa nahimutangan ni Dela Rosa.
