GENSAN- Gipakusgan sa Police Regional Office 12 (PRO-12) ang kampanya niini batok sa mga smuggled nga sigarilyo sa rehiyon.
Sumala ni PBrig. Gen. Arnold Ardiente, Regional Director sa PRO-12, ang mga awtoridad dili mohunong sa pagdakop sa mga indibidwal nga nalambigit sa ilegal nga pag-import sa mga sigarilyo, bisan unsa pa ang kantidad sa mga nakumpiska nga produkto.
Uban sa gihugtan nga mga checkpoint sa mga dagkong dalan, gipakusogan usab sa kapulisan ang mga monitoring sa mga baybayon, nga gigamit sa mga smuggler isip alternatibong mga ruta.
Sa pagkakaron, ang mga baybayon sa Lebak, Kalamansig, ug Palimbang sa Sultan Kudarat ang labi nga ginabantayan, diin ang pulisya, mga LGU, ug uban pang mga ahensya sa gobyerno nagpadayon sa pag-coordinate aron mapalig-on ang kampanya batok sa ilegal nga sigarilyo ug mapugngan ang mga ilegal nga kalihokan sa rehiyon.
