GENSAN – Gipahibalo sa lokal nga panggamhanan nga andam na ang Investment Action Center isip kabahin sa Electronic Business One-Stop Shop (eBOSS) sugod karong Enero 2026, diin mas paspas ug mas sayon na ang pagproseso sa negosyo.
Uban sa hapsay nga dagan ug komportableng kasinatian, abri ang serbisyo para sa tanan, ilabi na sa mga gagmay ug medium nga negosyante nga nangita ug episyenteng paagi sa pagpadagan sa ilang negosyo.
Giduso sa panggamhanan ang online application, pagbayad, ug pag-print pinaagi sa www.filipizen.com aron malikayan ang taas nga pila ug papel nga proseso, ug aron mas mapadali ang matag lakang sa pagpalambo sa negosyo.
Gisiguro usab nga lig-on ug segurado ang sistema aron maprotektahan ang impormasyon sa mga negosyante ug masiguro ang mas sayon nga transaksyon sa tanang oras.
