Hingpit nang giaprobahan sa Bicameral Conference Committee ang P6.793 trilyon nga nasudnong badyet para sa 2026.
Gipirmahan sa mga representante gikan sa Senado ug sa Kamara ang bicameral report human sa mga deliberasyon sa PICC, Pasay City.
Sumala ni House Appropriations Chair Mikaela Suansing, ang badyet nagpunting sa pagpalambo sa human capital ug transparency.
Gipunting ni Senate Finance Chair Sherwin “Win” Gatchalian nga adunay dakong alokasyon para sa edukasyon, panglawas, ug agrikultura.
Kini ang unang higayon nga gihimo ang bicameral deliberations sa publiko pinaagi sa livestream.
Kini aron malikayan ang mga anomaliya ug madugangan ang pagsalig sa publiko sa proseso sa badyet.
I-ratify sa Senado ug sa Kamara ang bicameral report sa Disyembre 29.
Gilauman nga pirmahan ni Presidente Ferdinand Marcos Jr. ang General Appropriations Act sa sayong bahin sa Enero 2026.
