Gipaambit ni Miss Universe Philippines Bea Millan-Windorski pinaagi sa iyang social media ang iyang national costume nga gitawag og “Diwa ng Kordilyera,” nga gibase sa kaabunda ug “colorful” nga kultura ug tradisyon sa mga lumad nga grupo sa Cordillera, Northern Luzon.
Makita sa maong sinina ang mga disenyo nga gibase sa ‘Kalinga tattoos’, mga ‘beadwork’, ug tradisyonal nga paghabol sa Mountain Province.
Kamatikdan usab ang mga dekorasyon nga banga nga gibase sa ‘Banga Salidsid’ sa Kalinga, isip pagpasidungog sa kusog, kalig-on, ug katahom sa kababayen-an sa Kalinga nga makahimo sa pagbalanse sa mga banga samtang naglakaw sa tungason nga kabukiran aron magsag-ob og tubig.
Matan-aw ang Miss Universe 2026 sa Nobyembre 25, diin ipakita pag-usab sa Pilipinas sa tibuok kalibotan ang kadato sa kulturang Pilipino.










