Nagpahinumdom ang Department of Trade and Industry o DTI sa katawhan nga dili na hulaton ang Christmas rush ayha mupalit sa mga pagkaon ug rekado alang sa Noche Buena, aron malikayan ang pagsaka sa presyo ug kasamok sa pagpanukad sa merkado.
Matud sa DTI, kasagaran mosaka ang demand sa mga produkto sama sa hamon, keso, prutas, mantika, pasta ug uban pang panghanda kung duol na ang Pasko, hinungdan nga magresulta sa taas nga presyo ug kakulang sa supply sa pipila ka mga merkado.
Gipasiugda sa ahensya nga kung sayo pa lang mopalit ang mga konsumidor, mas makapili sila og mas barato ug dekalidad nga produkto, samtang malikayan usab ang taas nga linya ug panunok sa mga palengke ug mall.
Padayon usab ang ginahimo nga price monitoring sa DTI aron masiguro nga gisunod sa mga tindahan ang suggested retail price o SRP, ilabi na sa mga basic ug prime commodities nga kasagarang ginapalit sa panahon sa Pasko.
Gihangyo sa DTI ang publiko nga mahimong mabinantayon ug responsable sa pagpamalit, magkumpara sa presyo, ug ireport dayon sa ahensya kung adunay mga negosyante nga nagpatuman og sobra nga presyo o nagbaligya og substandard nga produkto.
