GENSAN– Gipasiugda ni Joseph Tampus, usa ka negosyante sa City Public Market nga dakong tabang sa katawhan nga paubsan ang buhis nga mo-epekto sa pag-angkon og ubos nga presyo sa mga palaliton sama sa mga pang-noche buena karong Pasko.
Matud niini, mas maayo usab unta kung muhatag og ayuda ang gobyerno sama sa mga balaydunon sa katawhan kung asa makapaminos kini sa mga galastuhan sa matag pamilya.
Kay imbes nga ang ibayad nila sa mga balaydunon, mahimo pa kining gamiton didto sa mga nag-unang palituton sa panimalay.
Gikwestyon sa nasampit kung unsa ang nahimong basehan sa DTI sa pagsulti nga ang P500 ang sakto na para sa pang-noche buena.
Gibutyag niini nga ang mga palitunon karon ang mahal na og nakabentaha lamang ang uban nga adunay maayong panginabuhian kay makapalit sila og lamian nga pang-handa sa Pasko.
Mao nga alang kang Tampus, ang P500 nga gisulti sa DTI nga sakto ang sukwahi gyud sa reyalidad.
