Gihatagan og dakong bili sa Philippine Red Cross ang pakigtambayayong niini sa Bombo Radyo Philippines ug Bombo Radyo Foundation Inc., nga nagtumong sa pagluwas og daghang kinabuhi sa tanang panahon, labi na sa panahon sa mga emerhensya.
Sumala ni Jhonny Fuscablo, medtech ug Quality Assurance Officer sa PRC-General Santos, ang blood letting activity sa Bombo Radyo, ang “Dugong Bombo,” adunay dakong epekto sa komunidad.
Matod niya nga daghang kinabuhi ang nabag-o pinaagi sa dugo gikan sa liboan ka mga donor sa tibuok nasud nga natala sa matag kampanya sa blood donation sa estasyon.
Karong adlawa, ang mga donor, ug mga blood galloner madasigon nga motambong sa Dugong Bombo 2025, lakip si Angelito Cerna, ang Board of Directors sa PRC Sarangani-Gensan Chapter ug niining higayona, gipaambit ni Cerna nga kung magmalampuson siya sa pagdonar, kini ang iyang ika-63 nga donasyon sukad siya usa pa ka estudyante sa kolehiyo.
Ang Dugong Bombo 2025 dili lang usa ka yano nga blood donation activity.
Sumala sa mga organizers, kini usa ka importante nga bahin sa disaster preparedness ug public health program sa PRC ug Bombo Radyo.
Pinaagi sa regular nga mga donasyon, ang suplay sa dugo para sa mga ospital mas napalig-on, labi na sa panahon sa kalamidad o emerhensya, ug kini padayon nga naghatag og paglaum sa liboan ka mga pasyente sa tibuok nasud.
