Nanawagan si Mayor Lorelie Geronimo Pacquiao sa katawhan sa General Santos City nga magtinabangay sa pagtabang sa mga biktima sa Bagyong Uwan, nga nagbilin og dagkong kadaot sa ubang parte sa Mindanao ug Luzon.
Matud pa ni Mayor Pacquiao, ang tinuod nga pagtabang dili ginasukod sa kantidad o kadako sa gihatag, apan sa kasingkasing nga kabubut-on nga motabang sa isigkatawo.
Dugang pa niya, padayon ang koordinasyon sa City Disaster Risk Reduction and Management Office (CDRRMO) ug sa mga lokal nga barangay aron makahatag og hinabang sa mga apektadong residente, ilabina kadtong nawadan og puloy-anan ug panginabuhian.
Nagpasalamat usab si Mayor Pacquiao sa mga pribadong indibidwal ug organisasyon nga nagpaabot og tabang, ug nag-awhag sa tanan nga ipadayon ang espiritu sa pagkahiusa ug malasakit.
