-- ADVERTISEMENT --
GENSAN- Nakompleto na sa City Engineers Office ang visual assessment sa mga local government buildings sa General Santos City human sa linog ug wala silay nakit-ang danyos sa mga istruktura.
Matud ni CDRRMO Officer Dr. Bong Dacera, gisuspinde una ang trabaho aron mainspeksyon ang mga building apan mibalik na kini sa normal pagkahuman nga masiguro ang kaluwasan sa tanan.
Sa mga eskwelahan sa DepEd, adunay pipila ka minor damages sama sa mga crack nga resulta pa sa linog niadtong 2023.
Gimonitor kini aron masuta kung misamot pa ba ang kadaut, apan wala nay nadugang nga danyos.
Gipasabot ni Dacera nga ang ubang nadaot karon kay plastering nalang ang kinahanglan ug padayon ang pagbantay sa kaluwasan sa tanang imprastruktura sa syudad.
-- ADVERTISEMENT --
